قضيت عمري

قضيت عمري بين تفكير واحـلام.....وإن لاح برق(ن)قلت هذا نصيبـي
قضيتها سنـه سنـه عـدة اعـوام.....بالهم والهاجوس محـدن دريبـي
ولا قلب مرتاح(ن) ولا عين بتنـام.....ولا من صديق(ن)لا نخيته يجيبـي
معقد(ن)وضعي مثل هنق كوهـام.....أسماء صينيـه ونطقـه صعيبـي
تشبه لوضعي في حروفه والارقام.....ولا من مترجم بالعـرب يعتنيبـي
ازرع وهم واجني وهم كلها اوهام.....وليا ابتسم واحـد هقيتـه حبيبـي
ماهي محبه يبتسم لك مـن العـام.....له حاجة(ن)ولياأنقضت وش يبيبي
لا صار حظك مايساعـدك تنظـام.....واشوف حظي كل يـوم يغديبـي
ومليت من ترديـد بكـره وقـدام.....عيا يجي بكـره وشمسـي تغيبـي
ولا صار مالك واسطه عند الاعلام.....وش فايده لو قيل مبـدع رهيبـي
بالواسطه تكسر قوانيـن واحكـام.....بشهادة ممـرض وتعمـل طبيبـي
ولو منت شي يجملونـك بهنـدام.....وتصير نجم انجوم شي(ن)عجيبي
ولا عم شعار(ن)كبيريـن واهـرام.....بالعكس أنا التلميـذ عنـد اللبيبـي
اقولهـا والوقـت جايـر وظـلام.....وياما ظلم غيري وربـي حسيبـي
ونفسي عزيزه تكره الـذل متـلام.....ولا مد يدي لو فضـاء مابجيبـي
عندك خبر وش قال للزير همـام.....قال الكرامه فوق عشرة صحيبـي